■ شعر لری بخش عمومی

شو وُ روز هَفته وَ مَه،قول قِرارِت چِه کُنم/دَمَه صُبح عِشـوَه نَکُن،نـازِ خیالِت چِه کُنم

چِِه کِنُم نالِه کُِنم، نالِه ی فَرهاد وُ شیرین/ تو زلیـخـایِ مَنی، یُوسـف حالِت چِه کُنم

اِیزَنُم بُنگ وَ مال ، شِیـــرین فَرهادِتَ کُو/سَر شُو نــالَه کِنون ،صُــبح وِِصالِت چِه کُنم

گل مَجنُون دِلم ، هَمچُون لیلایِ خُمون /گَــهپَل یار خَــشه، خَـــرس زِلالِت چِه کُنم

کَردُون ماسِتَ کُو ؟ خُهلَل چـــالَه سَرکُوه/ وَ دِنـــا پازَنِتَه ، مِــــرد وَ سالِت چِه کُنم

اِیلمُو بار کِه ورَه ، وُردَل سَــرحد وَ کِیَه/ کُوگَل مَهس مَلوس،خِینَـه وَ بالِت چِه کُنم

چِمِتر مَلارِِتَه ؟ مَشـــک تو بی ماس آبیِ/ خِـــمَه دار نیِکَشُم،لُطـــف کَمالِت چِه کُنم

اُومَییِ وَ زِر مال، رَهگــــــذرِِ مال خِیال/ مث غَـزال زَردکُوه، سَـرو جَمالِت چِه کُنم

کُشتِمِه لیلیِ مجنون، تو وَ رَفتار خَشِت/ دَرمــــونِ دَردَلِت، رَنــــج مَلالِت چِه کُنم

وَ دِیار زاگــــرُس کُوه بُر فَرهاد کِیَه/ کُوه وَ کُوه وَ دینِتُم، شِکال مالِت چِه کُنم


حشمت‌اله رحیمی بویراحمدی